Lo rainard e los rasims
Un rainard,
Sur lo tard,
Se cantona
Sos na tona
De muscat,
Delicat,
Bon e beu,
Bien rosseu,
Plan madur,
De segur.
Per nen ver
Qual enueg!
La trelha es auta,
Mon rainard sauta,
E sauta, sauta,
Sautaras-tu!
Jamai sa pauta
Nen manha grun.
Queu peta-venta
Alòrs se planta
E ditz tot bas:
Nen volia pas.
Quo es ben tant verd
Coma lusert;
Quò deu esser agre
Coma vinagre;
Quauque gojat
Nauria minjat;
Quò nes mas bon
Per un Janton.
Queu conte es vrai
Coma sei lai;
Mas qui nen ritz
Ditz en se-mesma:
Nòme desprit
Fai plan de mesma.
Necessitat fai na vertut
(Per vanitat
Bien entendut).
Jan-Baptista FOCAUD |