La granolha e lo buòu
Na granolha vistava un buòu Que li pareissiá beu de talha, Ela que nera pas tan gròssa coma un uòu, La veiquí de suflar: la sestend, se trabalha, E la se creu, de bona fe, Desjà tan gròssa coma se. Es quò vrai? sei-ieu pro uflada? Disset-ela a sa camarada. - Boi! non gran. - E ben, aura? - Pi! ... be nen setz-vos luenh denguera! La se cuget metre en colera. - Questa vetz? ... pas vrai que li sei? - Boi, vos ni tombaretz jamai. La tòrna de noveu far jugar sa machoira; Mas lo paiet char questa vetz: La suflet coma na pedoira E la petet coma un chauvet.
Queu conte nes pas tant na fabla E quo arriba ben tots los jorns: Per la toileta, per la tabla, Los petits vòlen nar coma daus gròs senhors. Madama vanitat chatolha; Tau que sufla creu èsser grand, E la veritabla granolha Nes pas quela de dins lestanh. Jan-Baptista FOCAUD |