Lo lop e la cigonha
Los lops avalen sens maschar;
E quauquun, quauque jorn,
Si podria ben mochar.
Nen veiquí dabòrd un que la pecada
bela.
Un jorn, en minjant una anhela,
(Dise nanhela, mas beleu
Quò podia bèsser quauque anheu)
Un òs li damoret au mieg dau gorjareu,
E lestranglava ben e beu.
Per bonaür passet na cigonha.
Eu li fai signe, la venguet.
Emb son grand còu, emb son long bec,
De beu que la paubra gigonha,
Finalament la lo li guet;
E donc, per consequent, la li sauvet la vita.
Quand la vouguet de sa visita
Li damandar lo paiament,
Coma los medecins fan ordinariament:
Qué pelatz-vos? li disset linsolent;
Fau que vos siatz ben esfrontada !
Ne setz -vos pas ben pro paida
Daver tirat de sot ma dent
Vòstra testa sens accident ?
Ingrata que vos setz ! Ne fasetz pas la fauta
De tombar jamai sot ma pauta.
Veiquí plan sovent lo discors
De presque tots los gròs senhors.
Lo paubre es pro paiat en oblijant un riche.
Tant pueschatz-vos li far plaser,
Vos nen tirariatz pas un quite granmarcés.
Aüros denguera, aüros quand eu nes mas
quand chiche;
Car, si eu podia, eu ausariá ben
Vos rendre lo mau per lo ben.
Jan-Baptista FOCAUD |